2ª ESO opina sobre o Taller Cores de Consumópolis.

 O luns 22 de xaneiro viñeron a darnos unha charla dúas talleristas  de Consumópolis para informarnos de varios conceptos da publicidade. Faláronnos tanto da música e das cores que se poden utilizar para que sexa máis eficaz a mensaxe como do que non se pode facer ou mostrar na publicidade. Por exemplo, a música marchosa acelera a compra e fai que pensemos menos; pero polo contrario, non se poden mostrar contidos ofensivos como sexismo, racismo ou clasista.
 As distintas estratexias publicitarias están moi estudiadas en función do público ao que se dirixen. Utilízanse debuxos animados para captar a atención dos cativos, personaxes famosos (futbolistas, cantantes, actores e actrices) para a xuventude.
 Pareceunos especialmente interesante a parte na que nos explicou o tipo de música utilizado para diferentes clases de anuncios e cando vimos as posibilidades de facer o cartel da 2ª fase do concurso Consumópolis.
2º ESO A